A igrexa é de planta rectangular con capela pegada. A fachada é de estilo barroco e sobre a portada sitúase unha fornela coa imaxe policromada de Santo Andrés. No lateral Norte da fachada atopa o campanario, de planta cadrada e rematado con cúpula semicircular. No interior cabe destacar unha lauda sepulcral do século IX, pertencente ao bispo de Coimbra, Nausto, que fuxiu desta cidade ao producirse a invasión árabe.