Mandada construír como capela privada por Fernando Pérez Bobo, baixo proxecto de Javier Cantón, entre 1868 e 1873, é o típico exemplo de finais do XIX no que se mesturan elementos historicistas e eclécticos. Deste xeito vemos a influencia barroca nunha escaleira monumental con balaustrada coroada por diferentes esculturas de santos, mentres que a fachada contén elemento góticos e está presidida por un grande arco conopial e rematada por un esvelto cupulín.
Atópase na aba dunha montaña dende a cal se poden contemplar maxestosas vistas da cidade de Ourense.