Igrexa barroca, de tipoloxía rural, con planta rectangular dunha soa nave cunha sancristía pegada. A cuberta no interior resólvese mediante unha bóveda de crucería nervada na capela maior e bóveda de estrela na capela lateral, con catro claves. No exterior, na nave a cuberta é a dúas augas e a tres augas no pegado. Os muros son de cadeirado de granito. Existen portas en cada un dos módulos. A fachada do anexo presenta unha porta de acceso cun frontón triangular partido por un escudo. Na fachada principal destaca a espadaña, de dous vans, rematada nunha cruz, con figuras xeométricas aos lados.