O templo do século XVIII foi alterado por varias reformas. A nave está cuberta de madeira a dúas vertentes con capelas laterais no cruceiro. A capela maior presenta teitume de madeira a catro vertentes. Acaroado ao alzado sur da nave atopase o baptisterio. A fachada principal está rematada por espadana de dous vans con escaleira exterior xunto ó muro norte da nave. Retablo maior neoclásico con esculturas da Nosa Señora do Rosario e de S. Martiño. O retablo dereito tamén é neoclásico e o do baptisterio barroco con outra escultura de S. Martiño.