Partes do século XII, con remodelacións do XVIII. Planta rectangular con muros de cachotaría de granito e cuberta a dúas augas. Ábsida románica con ventá no centro con arco de medio punto con arquivolta decorada, columnillas e capiteis. Nave do século XVIII, tellado con canecillos xeométricos e espadana de dous vans. A ábsida na parte interior está formada por unha bóveda de canón e contrafortes. Ten arpilleiras nos alzados laterais. O arco triunfal é de medio punto con arquivolta e columnas pegadas. No testeiro ten unha ventá de medio punto con arquivolta decorada con arcos, bólas, cuadrifolias, imposta de grecas, columnas acodilladas e capiteis con decoración de follas. Ten canecillos xeométricos no tellado. Tras o altar maior consérvanse pinturas murais do século XVI.