Pazo privado, cuxa fábrica orixinal, da idade Moderna SXVI-XVIII está moi remodelado, construido en cantaría granítica de boa factura e planta rectangular, está constituído por varias edificacións que se dispoñen en forma de U ao redor dun patio interior que aínda se conserva. O longo do tempo, o pazo sufriu diferentes modificacións e engadidos. 

Actualmente atopase nun proceso de rehabilitación despois de ser pasto do lume nos incendios do ano 2006. 

Destaca a fachada de acceso, que ten sobre un portalón, unha peza labrada onde posiblemente estaba colocado un escudo que se trasladou a unha fachada lateral do edificio. Este pazo foi residencia de comisarios da inquisición. 

A inicios do século XIX, durante o curto período de tempo que Tourón foi concello independente, o pazo de San Ramón albergou o edificio do Concello.

Tamén conta cun Pombal, varios cruceiros e unha capela realizada nos anos 80 do século pasado cando o edificio sufriu unha nova remodelación.