É un pazo privado.
O pazo do bispo Quito -chamado Alonso de la Peña e Montenegro-, é unha edificación que segue a liña das clásicas casas urbanas da Galicia do século XVII. É un fermoso exemplar aportalado de planta rectangular e unha altura, inmerso na armazón urbana, que porta nos seus muros dous escudo de armas que se intercalan nas ventás dispostas sobre as arcadas.
O seu dono naceu en Padrón en 1596 e morreu en Perú en 1688. Foi cóengo en Santiago e catedrático de teoloxía e reitor da Universidade. Felipe IV presentouno ao bispado de Quito, onde fixo dondativos, estableceu fundacións e escribiu algún libro.