Pazo do século XVII, bo exemplo de arquitectura civil barroca, con planta en “U” e as coxías laterais de distinta lonxitude. É de salientar a torre de sección cadrada no extremo da coxía máis longa e unha cheminea monumental de dous corpos, pertencente á cociña. Unha espléndida solaina cuberta á altura do piso principal recorre todo o patio. Tamén ten un pombal de pedra. Actualmente non está habitado, aínda que alberga as instalacións do “campo de golf pazo da Touza”.