Tras un percorrido por varios locais, coa experencia adquirida ao longo dos anos, Rogelio e Clara, deciden asentarse no corazón da ría do Burgo, concretamente no Paseo Marítimo de Cambre. Un ambiente tranquilo que invita a relaxarse e pasear, sen renunciar á proximidade que ofrece a cidade de A Coruña.

Casa Roxeiro baséase na cociña tradicional, peixe e carne á grella, sen esquecer as sobremesas caseiras. Presta especial atención ás comidas e reunións familiares, amigos e empresas, ofrecendo un trato próximo e familiar. Tamén ofrece un menú caseiro diario de luns a venres.