Instalado no Centro Comarcal de Bergantiños, o museo O Alfar recolle unha viaxe polo proceso de elaboración dunha peza da olería de Buño, principal centro de produción artesanal de cerámica de Galicia, desde a extracción ata a súa posta no mercado. A través de audiovisuais, paneis informativos, útiles e ferramentas, o visitante pode achegarse a este ancestral oficio. Así mesmo, pódese apreciar unha boa colección das pezas tradicionais do Catálogo da Olería de Buño, xunto cunha mostra actualizada da produción dos obradoiros e artesáns activos.