Ocupando dependencias da Casa Galega da Cultura, este museo é froito da doazón que o escritor Francisco Fernández fixo á cidade. A colección está formada por obras de pintores da mesma xeración que o doador: Colmeiro, Laxeiro, Maside, Seoane, etc., anteriores como Castelao e Ovidio Murguía e posteriores como Din Matamoro. Outros elementos como libros, recordos, etc., ilustran a traxectoria de Francisco Fernández ao servizo de Galicia. É moi importante remarcar que o horario depende de que haxa ou non exposicións temporais na Casa Galega da Cultura.