Turismo de Galicia
-
Que facer
Camiño de Santiago
Natureza
Cultura e Patrimonio
Mar e Costa
Rutas
- Top-Ten: Dez lugares únicos
- Ruta da camelia
- Rutas turísticas
- Sendas para descubir un país
- Paseos que namoran
- Vias Verdes
- Escenarios ao volante
- EuroVelo Galicia
- Alén do solpor
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
- Que visitar
-
Planifica a túa viaxe
mailto:?subject=Envio de contido de Turismo de Galicia: FOGÓN RETIRO DA COSTIÑA&body=Recoméndoche que leas a información FOGÓN RETIRO DA COSTIÑA extraída do portal de Turismo de Galicia na páxina https://www.turismo.gal/recurso/-/detalle/11633/locale/?langId=gl_ES
Datos do recursos turístico
Localización
Avenida Santiago 12
15840 Santa Comba - A Coruña
Contacto para reservas
Descrición
A orixe de Retiro da Costiña remóntase a 1939, cando os avós de Manuel Costiña, actual chef, abriron unha casa de comidas. Tras eles, a substitución tomouna a súa nai, coa que aprendeu técnicas da cociña tradicional, caracterizada por tempos lentos, á vez que educou o padal empapándose daqueles sabores.
Costiña está á fronte dun equipo de trece persoas que dende cedo se move nunha cociña na que se recibe o produto, límpanse e preparan vexetais, carnes e peixes, cocíñanse os fondos e enfórnase pan de trigo e centeo autóctonos.
Defensor da materia prima de proximidade, o peixe e o marisco co que traballa provén de Lira, Muros, Carnota ou Fisterra, mentres que as verduras e hortalizas fornécenllas pequenos produtores que non distan máis de dez quilómetros de distancia. Nunha zona de interior como é Santa Comba, onde predominan extensións de pastoreo, non poden faltar a tenreira e os produtos lácteos da máis alta calidade.
O menú Garatuxa adáptase a cada tempada e a súa degustación permite ir coñecendo diferentes espazos da casa, como a trastenda ou a sala. Pensado para gozalo con calma, nel non falta a anchoa de Santoña e aceite tépedo e, para quen o solicita, o ovo escalfado, xa que ambos os pratos forman parte do receitario dende hai anos. O complemento perfecto para as delicadas presentacións son as pezas que lles fabrica en exclusiva Sargadelos, afamada cerámica galega.
O viño e os licores teñen unha gran importancia neste restaurante. A adega, na planta baixa, é un espazo contemporáneo onde se prima a conservación da numerosa selección de referencias internacionais. No club de fumadores da segunda planta, os comensais poden elixir durante a sobremesa entre máis de mil referencias de licores e destilados, así como dunha selecta cava de puros. A cheminea caldea o ambiente nos meses máis fríos.
A oferta do restaurante complétase coa construción de sete vilas, cada unha leva o nome dun castro da zona, situadas a escasa distancia deste. Situadas en plena natureza, rodeadas dunha plantación do tradicional millo corvo, replican o número de mesas que hai na sala e locen un coidado mobiliario e decoración nos que se utilizaron materiais de orixe local para conseguir que a estancia sexa o complemento perfecto á experiencia gastronómica.
Camiños de Santiago
Estrelas Michelin
Soles Repsol
Accesibilidade
Grao de Accesibilidade: Practicable
