A Feira do Viño do Rosal ten como obxectivo primordial promocionar os sectores vinícolas, conserveiros e de produtos típicos de horta e flor que se producen no Val do Rosal. Este goza dun microclima especial que lle dá aos seus produtos agrícolas a calidade indiscutible que fai que sexan premiados non só no noso país, senón tamén en certames internacionais como o demostran os numerosos premios.

Paralelamente á celebración da feira realízanse exposicións culturais, actividades para nenos, exposición filatélica, actuacións musicais, etc.

Destacado:
O domingo pola mañá, carreira de 10 km polos viñedos dunha ou de dúas das adegas participantes na Feira.