SERRA DO XISTRAL

Espazos naturais
1119
No Camiño de Santiago

Localización

Lugo

Abadín | Alfoz | Cervo | Mondoñedo | Muras | O Valadouro | Ourol | Vilalba | Viveiro | Xermade | Xove

A Coruña

As Pontes de García Rodríguez

Coordenadas:
43º 27' 33.2" N - 7º 32' 55.9" W

Descrición

Fértil vento
O intenso aproveitamento eólico desta pequena cordilleira de interposición entre a costa cantábrica e os interiores da Terra Chá delata a presenza constante do vento. Entre eles a xistra, ese golpe de vento húmido e xélido que aquí varre os cumes sen máis amparo que a rocha espida dalgúns picos.
O macizo setentrional está formado polo Xistral co punto máis elevado no Cadramón (1.062 m), os montes da Toxiza (832 m) e os da Carba (908 m). Ademais do vento, tamén son o reino da néboa. Atrapan as nubes cargadas que deixan todos os anos cantidades significativas de precipitacións. Malia a proximidade do mar, non son raras as nevaradas invernais. A auga deposítase nas chairas elevadas enchoupando os pasteiros naturais e creando extensos depósitos de turba. Son as turbeiras de cobertor que popularmente reciben o nome de barreiras, tremoal ou lago. Por exemplo, nos lugares das Barreiras do Lago, Lagoa das Furnas, Tremoal da Charca de Santa Cruz...
Os principais ríos que teñen a súa cabeceira nestasmontañas son o Eume, na vertente atlán;ca; e o Landro, Ouro e Masma, na cantábrica. Os cabalos salvaxes en liberdade son unha imaxe frecuente nesta serra.

Acceso

Desde Vilalba enlace coa LU-540 con desvíos ao leste en Muras e Ourol cara ao Valadouro. Pola outra vertente, accesos locais desde Mondoñedo.

Camiños de Santiago

Camiño do Norte
Camiño do Norte
Camiño do Norte

Situación

No norte de Lugo, concellos de Abadín, Alfoz, Cervo, Mondoñedo, Muras, O Valadouro, Ourol, Vilalba, Xermade, Xove, Viveiro; e toca tamén no municipio coruñés das Pontes de García Rodríguez.

Superficie

22.480,98 ha.

Servizos

Aloxamento e comida nas poboacións próximas.

Tamén che pode interesar

Natureza Espazos naturais ZEC - Rede natura 2000
Arriba