PR-G 156 COSTA DO VICEDO

Sendeirismo
424

Localización

O Vicedo - Lugo

Coordenadas:
43º 44' 20.5" N - 7º 40' 30.7" W
43º 42' 58.5" N - 7º 37' 24.7" W

Descrición

Atopámonos no sendeiro homologado situado máis ao norte de Galicia que nos permitirá admirar a beleza da costa de Lugo dende a Ría do Barqueiro e o Cabo de Estaca de Bares ata a praia de San Román. A senda comeza no porto da vila do Vicedo, percorre a costa pasando por praias asombrosas e acantilados de centos de metros ata chegar ao areal de San Román, onde poderemos descansar observando aves que se refuxian neste magnífico lugar. Pero o punto culminante do percorrido atópase no miradoiro de Illa Coelleira e a asombrosa vista deste pequeno illote no que existiu un mosteiro templario.

O trazado é lineal, discorre por camiños e pistas forestais ben acondicionadas que permiten o percorrido en bicicleta ou a cabalo, en moitos lugares rozando acantilados de vertixe.

Non presenta desniveis e hai lugares acondicionados para descansar que o fan apto para calquera sendeirista.  Conta ademais con dúas derivacións: a primeira levaranos ata a igrexa de Santo Estevo do Vicedo e a segunda, ao final da ruta, levaranos ata o miradoiro da Cruz de Baltar.

Acceso

Na vila do Vicedo chegar ata o porto. O panel do inicio do sendeiro atópase ao comezo do espigón.

Lonxitude

13 km. A ruta principal mide 11 km e as derivacións de ida e volta 1,5 km e 500 m respectivamente.

Punto de partida/chegada

Punto de chegada: Praia de San Román (Concello do Vicedo) - UTM 29T X:610886 Y:4841285
Punto de partida: Porto do Vicedo - UTM 29T X:606672 Y:4843733

Percorrido

Porto do Vicedo, Praia do Vidreiro, Praia do Caolín, Lugar de Baltar, Praia de Xilloi, Miradoiro de IIla Coelleira, Praia de San Román ou Area Grande.

Dificultade

Baixa

Duración

2 horas e 40 minutos.

Material

Prismáticos para a observación de aves.

Servizos

En O Vicedo.

M.I.D.E.

Esforzo M.I.D.E.:
Itinerario M.I.D.E.:
Desplazamento M.I.D.E.:
Medio M.I.D.E.:

Acceso en bicicleta

Apto totalmente

Acceso a cabalo

Apto totalmente

Cartografía I.G.N. (1:25:000)

2-II Estaca de Bares e 2-IV Celeiro.

Máis información

Concello do Vicedo
Tel.: 982 590 029
concello@concellodovicedo.org
www.concellodovicedo.org

Perfil altitudinal

Altura mínima sobre o nivel do mar: 3 m.
Altura máxima sobre o nivel do mar: 128 m.
Desnivel acumulado baixando: 474 m.
Desnivel acumulado subindo: 479 m.
Perfil de elevación do sendeiro

Tipo de percorrido

Pequeno percorrido

Tipificación

Interese naturalista
Interese paisaxístico

Plano

Data de recollida inicial: 01/08/2019
Arriba
Axúdanos a mellorar!