Sendeiro semicircular cuxo percorrido hai que combinar co PR-G 139 para regresar ao punto de inicio, completando así unha distancia total de 14,3 km.

Dende o lugar de Vilardíaz o sendeiro descende polo val do río Rodil. O camiño, dende o que contemplaremos fabulosas vistas, rodea a montaña ata Ponte de Beltrán, un antigo paso que unía os lugares de Vilarxubín e Vilardíaz e que foi recuperado para o tránsito de sendeiristas. Dende o máis fondo do val os castiñeiros proporcionarannos unha agradable sombra que fará máis apracible o ascenso ata a aldea de Vilarxubín, neste encantador lugar veremos un hórreo típico desta zona.

Entraremos de novo no bosque e veremos as corripas, pequenas construcións de pedra circulares ou cadradas utilizadas para a conservación e o manexo da castaña, produto que foi básico na economía e alimentación desta zona.

Continuaremos o camiño pasando moi cerca do lugar de Vilarín do Castelo para volver a descender cara ao río. Antes de chegar ao río, e fóra de ruta, existe la posibilidade de achegarnos á seimeira (salto de auga) de Parada. Continuando pola ruta principal chegaremos a un dos puntos culminantes da ruta, o Castro do Castelo, localizado nun inexpugnable lugar entre dous ríos.