Capela de planta rectangular con muros de cantería irregular na súa fachada principal e cachotería de xisto nos laterais. Porta de acceso con arco de medio punto e dúas ventás aos lados. Espadana de dous ocos, que acubillan senllas campás, rematada en frontón triangular cun oco. Na súa fronte, ocupando todo o ancho da pista que une as parroquias de Valencia do Sil e Arnado, presenta unha estrutura de madeira apoiada na fachada e dúas columnas de formigón que soportan unha cuberta.

Preto da capela sitúase o conxunto de adegas de Penouta, construcións populares dedicadas á elaboración e conservación do viño, tan típicas da zona.