Igrexa de planta rectangular con presbiterio elevado, muros de cantería de pedra vermella e cuberta a catro augas en presbiterio e a dúas no resto. Na súa fachada principal, porta de acceso con lintel integrado por doelas e apoiado en dous estribos e, por riba dela, espadana con dous ocos con remate de arco de medio punto e balconada metálica. No edificio atopamos unha mestura de estilos que permite supoñer varias modificacións.

Sitúase nas inmediacións da canle que abastece a central eléctrica.

Dentro do núcleo de Valencia do Sil existe tamén un conxunto de adegas, construcións con estrutura de planta baixa a partir de muros de cachotería sen lucir e cuberta de pendente única, como antesala das “covas”, escavadas no terreo, en pendente, o que favorece este tipo de construcións.