Construída a principios do s. XX, esta casa de planta rectangular, ten dúas pilastras que enmarcan a fachada culminando cun capitel con decoración modernista xeométrica. Na planta inferior destacan as dúas portas adinteladas enmarcadas por molduras planas. A planta superior organízase en torno a unha gran fiestra baixo un arco parabólico, marcado por unha moldura. Todo o conxunto está encalado.