Casa construída a principios do s. XX é de planta rectangular e consta de baixo e primeira e está enmarcada por molduras a modo de pilastras. No baixo destaca unha porta adintelada, con decoración de cintas e cun ramo no centro. A cada lado da porta ten unha fiestra con moldura plana e balcón de parapeto. Na primeira planta destaca un balcón con varanda metálica corrida que pecha aos lados formando dúas pequenas galerías. No centro do balcón hai un vano de arco lixeiramente rebaixado con motivos ornamentais. A fachada ten cornixa e petril.