Muros de cantería na fachada e cachotería no resto; planta rectangular e presbiterio máis ancho con ábsida rectangular. Na fachada, porta de arco de medio punto de grandes doelas, o mesmo que no muro sur. Espadana de dous arcos xemelgos con arquitrabes nas arcadas da volta do arco e remate nos machóns. O frontón prolóngase no ángulo agudo e remata en cruz de pedra. Impostas semicirculares sobre os arcos. Edificio predominantemente románico combinado con diferentes estilos.