Construída a mediados do século XX, substituiu ao Santuario de San Roque que se ubicaba no mesmo lugar, pero co acceso de entrada orientado hacia a ponte. A súa arquitectura presenta unha planta de nave única e con cuberta a tres augas. No exterior salienta en volume e proporcións o campanario na parte central do edificio. 

Destacar a decoración interior que posúe ao contar cos retablos maior e da Virxe do Rosario, ámbolos dous de alto valor artístico, de estilo neoclásico e obra de Xosé Ferreiro e do seu obradoiro respectivamente. Tamén de notable importancia é o retablo da Virxe de Guadalupe e o da Virxe do Carmen, que fan que esta igrexa sexa un punto de interese para rutas culturais de arte relixioso.

Fronte á entrada da igrexa podemos apreciar unha singular reprodución da Fonte dos Leóns da Alhambra.