O afán do indiano por deixar constancia do poderío económico que adquiriu na emigración, conduce a cometer algúns excesos, como é o caso desta vivenda que conta con máis de 1.000 metros cadrados construídos, feito que co tempo se acabaría convertendo nun problema para o matrimonio. É lóxico pois, que máis tarde e durante un tempo, acabase albergando o Cuartel da Garda Civil, de aí, a súa actual denominación.
No aspecto decorativo, imperan as liñas rectas só lixeiramente rotas polos enreixados dos balcóns que incorporan certos aires modernistas.
Forma parte da Ruta dos Indianos.