Patroa Santa Engracia, celébrase o primeiro fin de semana de xuño.

Fachada: Porta cuberta con dobre arco de medio punto. Espadana de dous corpos ou alturas.

Interior: Gran arco de medio punto para separar a nave central do presbiterio cuberto cunha bóveda de cruzaría, presenta dúas capelas  a ambos lados da nave central e conta tamén cunha pía bautismal.

Conta a lenda que  Santa Engraciña tiña a súa morada nun gran promontorio rochoso que hai entre as poboacións de Casteloais e Acevedo, ambas as dúas parroquias pugnaban para levala como protectora, os de Acevedo presentáronse no lugar cunha xunta de fráxiles vacas que apenas podían co carro; os de Casteloais cun par de robustos bois con extraordinaria capacidade de tiro non lograron movela  do alto da rocha, os de Acevedo polo contrario e cunha milagrosa facilidade puideron traer a imaxe da Santa ata a súa igrexa, razón mais que sobrada que dende aquelas a consideran a súa patroa e lle profesan unha gran devoción.