Consérvanse tramos da antiga muralla medieval na rúa Baixo Muro e rúa Ireira. A presenza desta fortificación amosa a importancia estratéxica da Guarda na Idade Media. Constaba de dúas portas, unha xunto a Torre do Reló e outra nas escaleiras que baixan cara ao Convento de San Benito, xunto onde se atopan as actuais rúas Baixo Muro e rúa Colón. No seu interior estaba o antigo Hospital de Pobres de San Marcos e no seu exterior a actual praza do Reló. Algúns escritos indican que esta muralla se desmantelou en parte no século XVII para empregar a pedra na rápida construción do Castelo de Santa Cruz.