O casco antigo localízase  en torno ao porto pesqueiro, reflexo do pasado e presente mariñeiro. Nun agradable paseo pódese coñecer parte do patrimonio da vila que se foi creando co paso dos séculos como o Convento de San Benito, a muralla medieval, a Praza do Reló onde se localiza o edificio do concello, a Oficina de Turismo e a Torre do Reló, antiga torre medieval, e a poucos metros atópase a Igrexa de Santa María.