Muíño de vento construído na década de 1880.
Trátase dun muíño fixo de torre cilíndrica con cuberta xiratoria. A porta está situada na cara SE, unha fiestra na planta baixa na cara NO e outras na planta alta. Na parte superior leva pezas de cantería cun rebaixe que servían para xirar a cuberta. Ten unha altura total de 4,75 m e un diámetro interior de 4 m. A cuberta, hoxe inexistente, era cónica de madeira e cun catavento no seu punto máis alto. Tiña dúas pedras, unha para o trigo e outra para o millo, esta última procedente de Bares.
Actualmente é propiedade privada, sendo esta dos descendentes do primeiro propietario e construtor deste o outros muíños de vento, D. José Domínguez Fernández.