Cruceiro de pedra sobre dous chanzos cadrados, cunha base cúbica na que se finca un fuste octogonal. Pola parte dianteira mostra un anxo que leva nas súas mans un martelo, e por detrás, á mesma altura, a imaxe de San Miguel sobre unha figura monstruosa e coa espada na man. O capitel, cilíndrico, decórase cunha grilanda e mostra, por enriba de varias follas colocadas verticalmente, a cabeza dun anxo sostendo unha cruz octogonal que carece de figuras. O retablo atópase na parte dianteira da base do cruceiro; nel aparecen tres personaxes en posición orante, sendo a central unha cura, recoñecible pola súa vestimenta.