IGREXA DE SANTA BAIA DE DONSIÓN

Relixioso
575
No Camiño de Santiago

Localización

Parroquia: Donsión (Santa Baia)

Lugar: A Eirixe 9

36519  Lalín - Pontevedra

Coordenadas:
42º 39' 38.0" N - 8º 09' 07.8" W

Descrición

A súa primitiva igrexa foi substituída no século XVIII polo actual templo, de estilo barroco. Mandouno construír no ano 1731 Cayetano Gil Taboada, bispo de Lugo e arcebispo de Santiago, cumprindo así o mandato testamentario do seu tío, Felipe Antonio Gil Taboada. Este último, nacido nesta parroquia, concretamente no Pazo de Bergazos, foi gobernador real con Felipe V, ademáis de Bispo de Osma e Arcebispo de Sevilla. 

A execución do templo estivo a cargo de mestres do barroco compostelán. É un edificio que chama a atención polas súas notables dimensións. O campanario está dividido en dous pisos, o inferior cadrado e o superior octogonal rematado en cúpula. 

No interior da igrexa destacan un fermoso retablo realizado polo entallador de Chapa, Silvestre Colmeiro, e os enterramentos dos Gil Taboada, coas súas armas, as cales, figuran así mesmo noutros sepulcros arrimados aos muros da igrexa.

Acceso

Dende Lalín coller a estrada N-525 en dirección a Santiago de Compostela. Dende a rotonda das Queimadas percorrer 1,5 quilómetros ata chegar ao desvío, á esquerda, cara a Donsión. Collelo e continuar durante 1,4 quilómetros máis ata atopar a igrexa, á esquerda.

Camiños de Santiago

Camiño de Inverno
Vía da Prata

Estilos

Barroco
Arriba
Axúdanos a mellorar!