Edificación tradicional de planta baixa e planta alta. Muros de cachotería revestidos de morteiro e branqueados nalgunha das súas caras. Elementos de cantería en vanos e cornixas. Balconada en dous dos seus alzados, sostida no principal por piares de sección cuadrangular e no lateral por unha galería con carpintería de madeira. Cuberta a catro augas formada por un entramado de madeira e cubrición de lousa con limas en tella cerámica curva, da cal, destaca o lucernario de sección octogonal e cuberta en lousa e tella cerámica curva. Situada na intersección entre a estrada autonómica LU-862 e unha a da Deputación LU-P-2602, nunha contorna formada por prados, monte alto e edificacións tradicionais illadas.
Na actualidade funciona como Hospedaría.