Edificación de titularidade PÚBLICA, na actualidade alberga as instalacións da GARDERÍA INFANTIL do Concello de Xove. Ten planta rectangular formada por tres volumes, con cuberta a tres augas nos volumes laterais e dúas no central. Cubrición de lousa, e muros de cachotería con elementos nobres de cantería en perímetro de ocos e cornixas. Portas e fiestras rectangulares rematadas en lintel curvo.