Pequena capela tradicional de planta rectangular pouco desenvolvida e cuberta a dúas augas levantada en cantaría de mediana calidade (opus vittatum) que se sitúa á beira da estrada. Carente de ocos de iluminación, o acceso realízase a través dunha grande porta situada no eixo da fachada principal que se cubre cun arco de medio punto. O hastial aparece coroado por unha espadana dun único oco que acolle un pequeno sino.