Foi construída no S XVII en estilo barroco con escasa decoración, e en séculos posteriores leváronse a cabo diversas modificacións, como a fachada e a torre (XIX) ou a actual bóveda e o coro alto (XX). No ano 1622 constrúese a capela do Anxo da Garda, cuxa devoción se mantén na actualidade. Non quedan restos da igrexa anterior, nin se conservan máis ermidas ou capelas na parroquia. Ademais da patroa, Santa Cristina, a igrexa alberga figuras da Inmaculada Concepción e de Santo Antonio de Padua.