Edificio dunha soa nave que foi pasto das chamas durante a Guerra Civil. A planta é rectangular con muros realizados en cachotaría de xisto parcialmente recubertos e pintados. A cuberta é a dúas augas realizada en lousa sobre estrutura de madeira. Os ocos son escasos e de pequeno tamaño de carpintaría de madeira lacada. Presenta unha espadana con dous ocos onde alberga dúas campás, rematada por dous pináculos en cada extremo e no centro unha cruz metálica.