Sitúase sobre a ponte románica do río Miñor.
Na metade da ponte consérvase un cruceiro, que ten ós seus pés unha imaxe de San Telmo, patrón dos navegantes e a quen a historia lle recoñece o ter mandado construír.
Debaixo da ponte hai un peto de ánimas que representa as ánimas en pena. Ata hai poucas décadas, xunto desta ponte celebrábanse ritos relacionados coa fertilidade. Segundo a tradición a muller encinta que non lograba ter fillos conxuraba ó seu fado adverso vertendo sobre o seu ventre auga do río. O conxuro, para ser efectivo, debía realizarse ás 12 da noite, debendo apadriñar á criatura áprimeira persoa que atravesase a ponte despois do conxuro.