No solar no que anteriormente se situaba o Colexio dos Irlandeses, José Varela Cadaval, Conde de Ramiranes, constrúe a súa casa-palacio no s. XIX. Realizada en cadeirado de granito, a edificación consta de planta baixa e dous pisos e divídese en tres corpos rematados por frontóns. Sobre a entrada principal existe un balcón de maior tamaño e, en simetría, outros balcóns secundarios nos corpos laterais. No frontón central está o escudo dos condes de Ramiranes rematado por unha coroa.