Antigo convento monacal da orde dos franciscanos, que posteriormente pasou aos dominicos. Durante 150 anos foi sede do concello, deica 2014, e actualmente acolle o Cuartel da Garda Civil e a Casa da Xuventude. 

Conserva o claustro do convento con sete arcos de medio punto en cada lado. No interior destaca a escaleira de acceso ao piso superior, para a construción da cal se empregou a denominada "pedra de Moeche" ou toelo, caracterizada pola súa peculiar cor verdosa.