A obra orixinal é do s.XII, pero atopámonos ante a igrexa románica máis modificada de todas as que se conservan no concello: a súa fisionomía: perdeu a fachada orixinal, engadíronselle novos corpos ao conxunto inicial (orixinariamente tiña unha soa nave) e ata foi alterada a capela maior.Ten planta e ábsidas rectangulares. A cabeceira enmarcase cun arco de medio punto sostido por capiteis con motivos vexetais. No interior atopamos un interesante retablo nun estilo no que perviven os postulados barrocos, obra do escultor galego de maior relevancia do s.XVIII, José Ferreiro. Representa a “Transfiguración de Cristo” está datado no 1774.