Ruta do Outeiro do Santo

O noso paseo comeza na área recreativa e praia fluvial da Pontenova á beira do río Arnoia, que imos seguir o seu curso no seu devalar cara o Miño, ás veces tranquilo e repousado e outras formando pequenas fervenzas. Atravesando unha zona boscosa de ribeira formada por amieiros entre outras árbores como carballos e castiñeiros achegarémonos ata a capela de San Bartolomeu, agochada entre a fraga, nun outeiro sobranceiro nun meandro do río Arnoia, que conta con outra zona de lecer.

Capela do Santo (42°12'40.83''N / 8°03'27.39''O)