Valparaíso do Miño entre viñedos

Comezamos na vila de Ribadavia, capital da rexión vitivinícola do Ribeiro, de grande importancia histórica e monumental. Na zona vella atoparemos o castelo dos Sarmiento, restos das súas murallas e templos románicos como os de San Xoán e Santiago, entre outros edificios de interese.

Con este paseo imos descubrir o treito baixo do río Avia dende a ponte do Burgo ou de San Francisco, en Ribadavia, ata a súa desembocadura no río Miño. A partir de aquí, pola beira norte unha pista de terra lévanos entre o río e viñedos do Ribeiro ata chegar a Francelos, aldea na que se atopa a igrexa de San Xes, datada no século IX coas súas xanelas de celosía e capiteis prerrománicos, que nos serve de miradoiro do coñecido como Valparaíso, así chamado pola fertilidade das súas terras á beira do Miño.

Rúa Progreso / Ponte sobre o Avia (42°17'24.66''N / 8°08'34.77''O)

Capela de San Xes de Francelos (42°16'36.16"N / 8°09'20.68"O)