De ponte a ponte polo río Miño

O paseo termal do río Miño forma parte dun percorrido circular de case que 15 km. A ruta que propoñemos (pouco máis de 4 km) vai da ponte Vella, de orixe romana, pasando pola ponte do Milenio, inaugurada en 2001, ata a área termal de Outariz, seguindo en todo momento o curso do río pola beira dereita. Trátase dun itinerario perfectamente ciclable e apto para toda a familia. Ao longo do traxecto atoparemos outras zonas termais como A Chavasqueira, O Tinteiro ou o Muíño da Veiga, que dan mostra da riqueza en augas minero-medicinais que converten Ourense na capital termal de Galicia.

A Ponte Vella (42°20'46.06''N / 7°52'07.48''O)

Área termal de Outariz (42°20'50.14''N / 7°55'04.37''O)