A fervenza de Budián atópase no rego de Aúde, afluente do río Cabe., que na súa orixe recibe o nome de rego Paradiña. Collemos a estrada que vai dende Ferreira a San Romao de Acedre (concello de Pantón) e continuamos ata un pouco antes de chegar a Budián. 

Este salto de auga atópase na zona de monte que ascende dende a estrada e non é doado chegar a ela para poder vela, xa que está rodeada de moita vexetación e grandes árbores. Aínda que o acceso é de dificultade moderada, non está sinalizada.