A fervenza Santo Estevo atópase no rego de San Miguel, afluente do río Sil que nace cerca da aldea de Cortecadela. Na estrada que une Os Peares co encoro de Santo Estevo de Ribas de Sil, antes da ponte que cruza o río (LU-P-4103), poderemos observar a man dereita este salto de auga que cae formando unha gran poza. Se decidimos seguir a pé e cruzar a ponte por debaixo, poderemos ver outra fervenza. Aínda que non está sinalizada, o acceso non presenta dificultades.