Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
Para chegar ás pozas de Mallón dirixímonos ao núcleo de Entrimo e, dende alí, collemos a estrada OU-1209 en dirección ao lugar de Olelas. Na entrada da aldea atoparemos a sinalización cara as pozas e seguiremos as indicacións para baixar por unha pista asfaltada ata o río. No punto no que remata esa pista deberemos deixar o noso vehículo para continuar a pé.
Remontaremos o río pola beira dereita para atopar unha ponte de madeira que nos permite cruzar o río Barcia ou Castro Laboreiro, pertencente á Demarcación Hidrográfica Miño-Limia. O río é fronteira natural entre España e Portugal, xa que separa o concello de Entrimo (Ourense) do concello de Melgaço (Viana do Castelo).
Ata ese punto da ruta podemos ver pequenos saltos de auga pero é, a partir de aquí, onde empezan as verdadeiras fervenzas.
O mellor lugar dende o que desfrutar dunhas excelentes vistas do conxunto de fervenzas e pozas é o miradoiro, pero para chegar a el debemos enfrontarnos a unha subida bastante esixente.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración