Dende o barrio dos Muíños de Mondoñedo collemos a estrada que vai a Argomoso e ás Covas do Rei Cintolo ata atopar a sinalización cara ao Salto do Coro.

Dende o sinal percorreremos uns 600 metros e, despois de cruzar un regueiro, deixaremos o coche xunto  ao sinal da ruta de sendeirismo para seguir a pé e camiñar uns 500 m ata a fervenza. O salto principal está no rego do Coro, afluente do río Valiñadares que despois se xunta co Tronceda ou Masma, e cae en lousas e xistos dende unha altura de 15 m dando lugar a unha gran poza.