Na N-640 que une A Estrada e Silleda, no lugar de Pena do Foxo colleremos o cruce a Curantes e seguiremos as indicacións que levan ao Pazo da Nugalla. Dende aquí seguiremos a pé, camiñando uns 500 m pola senda que sae á dereita do pazo e leva ata o río. O acceso non ofrece dificultade malia que a ruta non está indicada. É apta para facer con nenos. No río Curantes, chamado nesta zona rego dos Muíños, podemos ver dúas fervenzas de 5 e 7 m que , aínda que non teñen demasiada altura, forman grandes pozas.