Na estrada que vai das Pontes de García Rodríguez a Ferrol seguiremos as indicacións cara a Ribadeume, Bermui, Campoverde e finalmente Cabo da Igrexa. Logo de pasar o cemiterio, a uns 200 m deixaremos o coche para comezar a baixada polo camiño da esquerda. O acceso non está sinalizado. Tamén é coñecida como fervenza das Painceiras. O río Bermui ou das Foxas desemboca encaixadamente no Eume e, no último tramo, salva un gran desnivel formando dous saltos, de 10 e 12 m de altura (esta segunda fervenza é de moi difícil acceso e só se pode ver desde o alto).