Atopamos esta fervenza no lugar da Escabia, na parroquia de San Martiño de Fruíme. O acceso non está sinalizado. Durante o traxecto na procura desta caída de auga podemos ver os saltos que vai creando o rego Rodado no seu descenso. Este regato atópase cos regos Xano e Castiñeira para, xuntos, convertirse no río Beluso. Para ver estas fervenzas é mellor ir despois dunha época de choiva, xa que se trata dun regato pequeno.