Atoparemos esta fervenza no lugar da Feixa, en Verducido, no concello da Lama. Malia que existe algún cartel indicativo, o acceso non está sinalizado pero poderemos chegar ata ela remontando o río pola estrada que vai das Estacas, no concello de Fornelos de Montes, a Verducido. O río Parada, afluente do Oitavén, encáixase nesta zona formando pozas e unha fervenza en tres tramos que salvan un desnivel de aproximadamente 9 metros.