Na parroquia da Somoza, no concello da Estrada, atoparemos un carreiro que nos levará ata á fervenza e a varios muíños abandonados. O acceso non está sinalizado. Esta férveda atópase no río Brañas, afluente do Liñares (á súa vez do Ulla). É un pequeno salto, de entre 3 e 5 metros de caída por un estreito canón. O mellor momento para visitala é despois duns días de choiva xa que é un salto de caudal escaso.